Стала вядома, калі з'явіцца першы дом на месцы даўгабуду «Гулівер» на Прытыцкага
Участак будаўніцтва на месцы сталічнага даўгабуда «Гулівер» вырас амаль удвая і цяпер практычна кранае кінатэатр «Аўрора». Пра гэта пішуць «Мінск-Навіны».
Дэмантажныя работы на месцы застылага на 10 гадоў даўгабуду ў раёне вуліцы Прытыцкага стартавалі ў студзені 2023 года, а восенню пачалі ўзводзіць першы жылы дом.
Па плане на гэтай тэрыторыі з'явяцца два жылыя дамы павышанай камфортнасці з падземным паркінгам, двухузроўневы гараж-стаянка на 300 месцаў, чатыры будынкі буйнапанэльнага домабудавання, інжынерная інфраструктура, спартыўныя і дзіцячыя пляцоўкі. Агульная плошча жылых памяшканняў складзе каля 72 тыс. кв. м.
Першым аб'ектам у генплане стаіць пяцісекцыйны 19-павярховы жылы дом пад №1, у якім размесціцца 360 кватэр. Увесці яго ў эксплуатацыю плануюць у лютым 2026 года.
Будынак будзе мець каркасную канструкцыю з вентыляваным фасадам. Вонкавыя сцены выканаюць з блокаў ячэістага бетону з уцяпленнем з мінеральнай ваты. Варта адзначыць, што адна-, двух– і трохпакаёвыя кватэры здадуць без аздаблення.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары