Некаторыя банкаматы памянялі алгарытм працы — можна забыцца забраць грошы
У Мінску зʼявіліся банкаматы, якія пры зняцці наяўных грошай выдаюць спачатку карту, а ўжо потым грошы. Гэта адрозніваецца ад звыклага сцэнара, дзе чалавек забірае купюры, а потым можа зрабіць іншую аперацыю ці забраць картку. Гэта нейкі збой? Ці можна забыць грошы? Onlíner спытаў у «Альфа-Банка», з чым звязана змена.
Там патлумачылі, што людзі, здымаючы грошы ў банкамаце, часта забываюць у ім сваю карту. Тады кліент застаецца без яе на нейкі час, а банку даводзіцца марнаваць дадатковыя рэсурсы на атрыманне карт.
— Мы вырашылі выправіць гэтую сітуацыю і першымі на рынку змянілі працэс — спачатку кліент забірае сваю карту, а пасля гэтага ўжо грошы, за якімі, ён уласна і прыйшоў. Важна падкрэсліць, што для кліентаў на экране некалькі разоў прайграецца адпаведны тэкст аб тым, што трэба забраць і карту, і грошы. З моманту ўвядзення новага алгарытму колькасць забытых карт удалося скараціць утрая.
Некалькі банкаматаў гэтага банка яшчэ працуюць па старой схеме, але ў бліжэйшы час іх плануюць замяніць на новыя.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект9
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
💳 Ватутака, у замежжы, спачатку «баксамёт» страляе карткай, то бок высоўвае, нібы язык, яе ў шчолку. І толькі потым — праз колькі сэкундаў — разнасьцежваецца лючок, дзе ляжаць зьнятыя табой «купюлі».
💸 А ў РБ нават банка- (як без мату?!) -мат апасьля паказваў карту, па якой «гатовілась нападзеніе» на вас замоўленай наяўкай? :) Сапраўды, як не забыць яе, калі на радасьцях схапіў свайго рубля?