«У Бундэсраце мы падміргваем адна адной» — дзве міністаркі з партыі «Зялёных» у Германіі вырашылі ажаніцца
Палітыкі кажуць, што іх каханне — гэта адносіны на адлегласці, яны ездзяць паміж Паўночным Рэйнам-Вестфаліяй і Саксоніяй.
Ёзэфіна Паўль займае пасаду міністаркі па справах дзяцей, моладзі, сям'і, роўнасці, бежанства і інтэграцыі зямлі Паўночны Рэйн-Вестфалія з 2022 года.
Каця Маер — міністарка дэмакратыі і юстыцыі Саксоніі са снежня 2019 года. Маер расказвае, што закахалася ў калегу ва ўзросце каля 30 гадоў, а да гэтага была ў адносінах з мужчынамі.
Палітыкі кажуць, што іх каханне — гэта адносіны на адлегласці, яны ездзяць паміж Паўночным Рэйнам-Вестфаліяй і Саксоніяй. І пачынаюць дзень разам: «Мы разам п'ем каву праз FaceTime кожную раніцу а 6:30». Пара прызнаецца, што яны «падміргваюць адна адной» у Федэральнай радзе (Бундэсрат), піша Bild.
Як кажуць закаханыя, вяселле адбудзецца не раней за верасень — пасля выбараў у парламент Саксоніі.
Маер і Паўль доўгі час самі выступалі за легалізацыю аднаполых шлюбаў у Германіі, адпаведны закон уступіў у сілу з 1 кастрычніка 2017 года.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію5
Каментары
https://m.nashaniva.com/339805/