Віцэ-мэра Веткі судзілі за карупцыю. Але адправілі на лячэнне ад вар'яцкіх ідэй шлюбнай нявернасці
У банку судовых рашэнняў апублікавалі вызначэнне суда Чыгуначнага раёна Гомеля па крымінальнай справе ў дачыненні да былога намесніка старшыні Веткаўскага райвыканкама, заўважыў «Флагшток». Яно ўтрымлівае нечаканыя факты адносна матывацыі прысуду.
Былы чыноўнік, прозвішча якога не называецца «Флагштокам» па этычных меркаваннях, быў адным з фігурантаў крымінальнай справы аб закупцы прадпрыемствамі Гомельскай вобласці непрыдатнай для ўжывання кармавой дабаўкі «Зеол 3». Ад гэтай дабаўкі жывёла нібыта дохла.
Паводле вызначэння суда, чыноўнік загадваў кіраўніцтву ААТ «Хальч» закупляць кармавую сумесь, якая не мела дзяржаўнай рэгістрацыі на тэрыторыі краін ЕАЭС. За лабіраванне гэтых закупак ён атрымліваў хабар ад яе пастаўшчыкоў, а таксама разлічваў атрымаць кіраўнічую пасаду ў ААТ «Мілкавіта», кіраўніцтва якой таксама ўдзельнічала ў незаконных закупках кармавой дабаўкі «Зеол 3».
Здавалася б, ад турмы экс-чыноўніка нічога выратаваць не магло, але аказалася, што судовая псіхолага-псіхіятрычная экспертыза выявіла ў яго псіхічнае расстройства — «афектыўна зараджаныя вар'яцкія ідэі шлюбнай нявернасці», якія развіліся ў перыяд пасля здзяйснення злачынстваў.
У выніку суд прызначыў абвінавачанаму прымусовае лячэнне ў псіхіятрычным стацыянары з узмоцненым рэжымам.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні8
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары