У Трампа назвалі фэйкам паведамленне аб ягоным «мірным плане» са здачай тэрыторый Украіны
Дарадца выбарчай кампаніі Дональда Трампа Джэйсан Мілер назваў фэйкавай навіной паведамленне выдання The Washington Post, у якім раскрываліся нібыта дэталі «мірнага плана» Трампа ў дачыненні да Украіны. Пра гэта Мілер расказаў у інтэрв'ю The New York Post, паведамляе «Еўрапейская праўда».
Мілер настойвае на тым, што Трамп не спыніцца ні на адным мірным плане, пакуль не заступіць у пасаду і не зможа належным чынам узважыць усе варыянты.
«Гэта ўсё фэйкавыя навіны ад Washington Post. Яны проста прыдумляюць гэта», — сказаў дарадца кампаніі Трампа Мілер.
У той жа час ён падкрэсліў, што Трамп — «адзіны, хто гаворыць пра спыненне забойстваў». «Джо Байдэн гаворыць пра працяг забойстваў», — заявіў Мілер, відавочна, маючы на ўвазе пазіцыю Байдэна падтрымліваць Украіну зброяй.
Дональд Трамп — верагодны кандыдат у прэзідэнты ад рэспубліканцаў — часта выхваляўся тым, што мог бы дамовіцца аб мірным пагадненні паміж Расіяй і Украінай на працягу 24 гадзін, калі яго абяруць. Але ён неаднаразова адмаўляўся публічна ўдакладніць, як ён змог бы гэта зрабіць.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку27
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
Трамп стае толькі мацней.