Наведвальніца сталічнага рэстарана згубіла дарагі пярсцёнак Cartier. Усё скончылася крыміналкай
Жанчыну, якая яго знайшла, але не вярнула, цяпер чакаюць праблемы.
Фота: ГУУС Мінгарвыканкама
Пра знікненне ў адной з рэстарацый Мінска пярсцёнка ў выглядзе загнутага цвіка ад Cartier, кошт якога складае звыш 9,5 тысяч рублёў, жыхарка Мінскай вобласці паведаміла ў Цэнтральнае РУУС.
Як паведамляе ГУУС Мінгарвыканкама, было ўстаноўлена, што пярсцёнак, які заяўніца забылася ў прыбіральні, забрала адна з работніц установы. 52-гадовая мінчанка адвезла ювелірны выраб у іншы аб'ект грамадскага харчавання, дзе падзарабляе прыбіральшчыцай, схавала за батарэяй і планавала панесці дадому пасля змены.
Супрацоўнікі міліцыі канфіскавалі пярсцёнак, яго плануюць вярнуць уладальніцы. У дачыненні да мінчанкі ўзбуджаная крымінальная справа за крадзеж.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары