У Свіслачы знайшлі цела 26-гадовага хлопца. Гэта былы міліцыянер, які звольніўся ў 2020-м
1 красавіка ў канале Таварыства ратавання на водах з'явілася паведамленне, што днём 30 сакавіка ў Мінску пры прывядзенні пошукавых работ у Свіслачы быў знойдзены труп патанулага мужчыны 1998 года нараджэння. Цяпер стала вядома, што гэта быў за чалавек.
За два дні да знаходжання цела ў рацэ, 28 сакавіка, у сацсетках пошукава-выратавальнага атрада «Ангел» з'явілася паведамленне пра знікненне Максіма Алегавіча Зубарава 1998 года. 25 сакавіка ён знаходзіўся непадалёк ад дома 58, корпус 1 па праспекце Незалежнасці, а пасля пайшоў адтуль у невядомым кірунку і перастаў выходзіць на сувязь.
Тапелец, знойдзены ў рацэ, якраз і аказаўся Максімам Зубаравым. Нам стала вядома, што ён былы міліцыянер, які працаваў у Докшыцкім РАУС, але ў 2020 годзе звольніўся адтуль падчас народных пратэстаў.
Пасля звальнення хлопец пераехаў у Мінск, дзе працаваў таксістам і вучыўся на айцішніка.
Што з ім адбылося 25 сакавіка, пакуль невядома.
Напісаў, дзе пакінуў рэчы і грошы. Што вядома пра гібель беларуса, якога знайшлі ў польскім порце
«Мама — не расказаць. Акно разбівала, думала выратаваць дзяцей». Падрабязнасці трагедыі ў Бярозаўскім раёне, дзе на пажары загінулі чацвёра дзяцей
Ненавідзеў Расію, вельмі любіў Украіну, хацеў свабоды Беларусі. Сын і сябар памерлага ў СІЗА Аляксандра Кулініча расказалі пра яго
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Каментары