Урад абмежаваў вываз з Беларусі морквы і буракоў. Такую пастанову падпісаў Раман Галоўчанка.
Абавязковае ліцэнзаванне экспарту гэтых прадуктаў уводзіцца на тры месяцы. Аднаразовыя дазволы будзе выдаваць МАРГ па ўзгадненні з Мінсельгасхарчам і аблвыканкамамі.
Такое рашэнне прынята, як сцвярджаецца, у мэтах захавання параметраў Дактрыны нацыянальнай харчовай бяспекі Беларусі.
Урад паведамляе, што ліцэнзаванне экспарту морквы і буракоў дазволіць «максімальна кантраляваць рэсурсы для першачарговага забеспячэння ўнутранага рынку пад поўную патрэбу за кошт прадукцыі, вырашчанай у краіне».
Каментары