Нерухомасць66

Якія кватэры і дамы мае сям'я Андрэйчанкі

Уладзімір Андрэйчанка — доўгажыхар сярод набліжаных да Лукашэнкі людзей. Ён 16 гадоў займаў пасаду старшыні Палаты прадстаўнікоў Нацыянальнага сходу. Якую маёмасць прыдбала за гэты час яго сям'я? «Люстэрка» разам з «Белполам» праверылі, што лічылася за Андрэйчанкам на сярэдзіну 2021 года.

Владимир Андрейченко. Фото: TUT.BY
Уладзімір Андрэйчанка. Скрыншот з відэа

Уладзімір Андрэйчанка мае кватэру ў мікрараёне Дразды ў Мінску па адрасе вуліца Піянерская, 7. Гэта трохпакаёўка ў шматкватэрным будынку, яе плошча — больш за 113 «квадратаў». Жыллё было набыта ў 2009 годзе, а ў 2010-м яго прыватызавалі. У гэтай жа кватэры прапісаная жонка Андрэйчанкі — 69-гадовая Кацярына.

Дом №7 на улице Пионерской в Минске. Фото: "Яндекс. Карты"
Дом №7 на вуліцы Піянерскай у Мінску. Фота: «Яндэкс. Карта»

Цяпер у гэтым доме прадаецца некалькі кватэр. Кошт самай таннай трохпакаёвай — 918 356 рублёў (285 000 даляраў), самай дарагой — 1 124 583 рублі (349 000 даляраў).

Нерухомасць ёсць і ў Кацярыны Андрэйчанкі — дом № 10а на вуліцы 8-й Лугавой у Віцебску. Жыллё займае плошчу амаль 350 «квадратаў», у ім ёсць склеп, мансарда, тэраса, навес. На ўчастку маюцца лазня і хлеў.

Дачка Андрэйканкі, 41-гадовая Наталля, жыве таксама ў пасёлку Дразды ў Мінску непадалёк ад бацькоў. Па дамове дарэння ў 2021 годзе да яе перайшоў дом № 21 на вуліцы Вербнай. Будынак займае плошчу больш за 253 «квадраты».

Дом №21 на улице Вербной в Минске. Фото: "Яндекс. Карты"
Дом №21 на вуліцы Вербнай у Мінску. Фота: «Яндэкс. Карта»

Таксама Наталля мае двухпакаёвую кватэру плошчай 55,6 м² у панэльным доме № 90 на вуліцы Ціміразева, ён знаходзіцца за спартыўна-забаўляльным комплексам «Мінск-Арэна». Вядома, што жанчына працавала юрысконсультам у кампаніі «Белтрансгаз», а таксама фірмах «Дэлікатфуд» і «Мантана».

Дом №90 на улице Тимирязева в Минске. Фото: "Яндекс. Карты"
Дом № 90 на вуліцы Ціміразева ў Мінску. Фота: «Яндэкс. Карта»

У Андрэйчанкаў таксама ёсць 49-гадовы сын Уладзіслаў, нядаўна ён пакінуў пасаду генеральнага дырэктара кампаніі «МТС», якую займаў з кастрычніка 2021 года. Да гэтага мужчына быў на кіруючых пасадах у Віцебскім і Магілёўскім філіялах кампаніі.

Владислав Андрейченко. 2024 год, Минск. Фото: МТС
Уладзіслаў Андрэйчанка. 2024, Мінск. Фота: МТС

За Уладзіславам на сярэдзіну 2021 года лічыліся чатыры аб'екты нерухомасці ў Віцебскай вобласці:

  • кватэра ў Віцебску ў доме № 22 на вуліцы Міру;
  • гараж на вуліцы Лазо ў Віцебску;
  • дом на самым беразе Заходняй Дзвіны — у вёсцы Падбярэззе Віцебскага раёна;
  • у вёсцы Мар'янава Лёзненскага раёна — зямельны ўчастак. Адзначым, што Мар'янава — родная вёска Уладзіміра Андрэйчанкі.
Дом №22 на улице Мира в Витебске. Фото: "Яндекс. Карты"
Дом №22 на вуліцы Міра ў Віцебску. Фота: «Яндэкс. Карта»

Што тычыцца аўтамабіляў, то ва Уладзіміра Андрэйчанкі была Toyota Land Cruiser 2006 года выпуску. Цяпер аўто такой мадэлі і года каштуе прыкладна 62-67 тысяч рублёў.

Дачка чыноўніка ездзіла на Audi Q5 2015 года выпуску. Кошт гэтай машыны сёння вар'іруецца ў межах 64-87 тысяч рублёў.

Уладзіслаў Андрэйчанка меў Nissan Qashqai 2018 года выпуску. Гэта аўто сёння можна купіць ад 43 да 74 тысяч рублёў.

Каментары6

  • Шляхцич Завальня
    14.05.2024
    Недвижимость - это уважение
  • Казнакрады
    14.05.2024
    Добра папілілі бюджэт
  • EMIL
    14.05.2024
    "Маловато будет!" Неужели никаких счетов в Арабских эмиратах?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Усе навіны →
Усе навіны

Амбразевіч прызначаны паслом пры Ватыкане, Матусевіч — намеснікам кіраўніка Адміністрацыі1

Расійскі тэлеканал замазаў фота Алы Пугачовай у адным з фільмаў5

Кіберпартызаны ўпрыгожылі партал Банка Развіцця віншаваннямі да Дня Волі

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско50

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

больш чытаных навін
больш лайканых навін

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Галоўнае
Усе навіны →

Заўвага:

 

 

 

 

Закрыць Паведаміць