Вайна2121

Украінскія тэрміналы Starlink «раптоўна выйшлі з ладу», калі Расія зноў уварвалася ў Харкаўшчыну 

Газета The Washington Post даведалася, што сістэма спадарожнікавага хуткаснага інтэрнэту Starlink ад Ілана Маска, якой актыўна карыстаюцца ўкраінскія войскі, зноў перастала працаваць менавіта ў момант паўторнага ўварвання Расіі на поўнач Харкаўшчыны. Гэта «цалкам асляпіла ўкраінцаў» і істотна дапамагло расейцам.

Актуальная мапа паўторнага расійскага ўварвання на Харкаўшчыну. Крыніца: Deep State Map

10 мая, у дзень пачатку паўторнага расійскага ўварвання ў Харкаўшчыну, 125-ая брыгада тэрабароны Украіны, якая кожны дзень сачыла з дапамогай беспілотнікаў за нарошчваннем расійскіх сіл на тым кірунку, засталася без відэаканалаў інфармацыі, і ўкраінскія войскі былі заспеты знянацку.

The Washington Post сцвярджае, што гэта стала вынікам раптоўнага адключэння ўкраінскіх тэрміналаў Starlink у раёне расійскага ўварвання. Гэтую інфармацыю газеце пацвердзілі ўкраінскія вайскоўцы, у тым ліку са 125-ай брыгады тэрабароны. 

«У нейкі момант мы засталіся цалкам сляпыя. Гэта была самая вялікая праблема, мы не бачылі, як рухаліся расійскія войскі, мы кантактавалі толькі па радыё або па тэлефонах, дзе яны ўсё яшчэ працавалі», — расказаў газеце камандзір падраздзялення дронаў разведкі з пазыўным «Артыст».

Прычына падобнага адключэння Starlink дакладна невядомая, ёсць меркаванні, што гэта магла быць паспяховая электронная атака з боку Расіі. Аднак усё гэта ў сукупнасці з недастаткова добрай умацаванасцю ўкраінскай лініі абароны ў зоне расійскага прарыву забяспечыла захоп Расіяй 138 квадратных кіламетраў украінскай тэрыторыі ўсяго за тыдзень, адзначае The Washington Post.

Газета таксама згадвае выпадкі, калі ўкраінскія тэрміналы Starlink ужо адключаліся падобным чынам яшчэ ў 2022-23 гадах. Тады сувязь знікала менавіта ў моманты спробы ўкраінскай атакі на акупаваны Расіяй Крым (2022) і падчас вялікага ўкраінскага контрнаступу на ўсходзе краіны (2023).

Як паведамлялі некаторыя сусветныя СМІ, за тымі адключэннямі мог стаяць асабіста стваральнік сістэмы Starlink і кіраўнік кампаніі SpaceX мільярдэр Ілан Маск (сам ён гэтую інфармацыю абвяргаў), які на працягу вайны рэгулярна рабіў рэзанансныя заявы пра сімпатыі да Трампа, павагу да Пуціна, бессэнсоўнасць НАТА і неабходнасць пакінуць за Расіяй акупаваныя ёй украінскія тэрыторыі. 

«Дэакупацыя — гэта не абарона». Маск адключаў Starlink не толькі над Крымам, але і падчас контрнаступу Украіны на ўсходзе

Акрамя таго, сістэмамі Starlink, па інфармацыі ўкраінскай выведкі, актыўна карысталіся і расійскія войскі. Закупляла гэтыя сістэмы Расія ў арабскіх краін. Ілан Маск у адказ заяўляў, што гэта таксама няпраўда.

Каментары21

  • Маска на гіляку
    17.05.2024
    Гэтага Маска трэба арыштаваць.
    За ім стаіць Байдэн.
  • Ноўнэйм
    17.05.2024
    Ты можаш быць разумны і багаты, але заставацца свалатой
  • Все кругом должны
    17.05.2024
    Один интернет отключил, другие самолёты ржавые не отдают, третьи снаряды не дают, четвертые танки спрятали, денег во время не дали, пятые шл.х и наркоту не завезли, еще и к переговорам склоняют. когда вы поймёте что над Украиной прикалывается весь мир.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Расіі гучны скандал з пластычным хірургам з Беларусі — яе статусная пацыентка амаль аслепла пасля шараговай аперацыі5

У Расіі гучны скандал з пластычным хірургам з Беларусі — яе статусная пацыентка амаль аслепла пасля шараговай аперацыі

Усе навіны →
Усе навіны

Па Слуцку ездзіць дзед на ровары са сцягам РФ і Андрэеўскім сцягам19

18-гадовую расіянку ў Турцыі асудзілі на 15 гадоў за тое, што яна пакінула немаўля ў прыбіральні аэрапорта4

Беларускую 20-рублёвую манету прадаюць на аўкцыёне за 15 тысяч рублёў

У Польшчы беларуса судзяць за перавозку мігрантаў, што была 25 гадоў таму

Хлопец спявае пад дзвярыма былой дзяўчыны серэнады. Кепска ўсім1

Зяленскі: Крокам да завяршэння вайны можа стаць вызваленне ўсіх украінскіх палонных

Стала вядома пра арышт журналісткі Паліны Піткевіч4

Старэйшы сын Надзеі Скардзіна пачаў займацца біятлонам ФОТА7

Стала вядома, як будзе вяшчаць «Белсат» з сакавіка5

больш чытаных навін
больш лайканых навін

У Расіі гучны скандал з пластычным хірургам з Беларусі — яе статусная пацыентка амаль аслепла пасля шараговай аперацыі5

У Расіі гучны скандал з пластычным хірургам з Беларусі — яе статусная пацыентка амаль аслепла пасля шараговай аперацыі

Галоўнае
Усе навіны →

Заўвага:

 

 

 

 

Закрыць Паведаміць