У Беларусі плануецца ўвесці крымінальную адказнасць даўжнікоў
Яна будзе пагражаць за наўмыснае ўхіленне ад выканання рашэнняў суда.
Пра гэта сёння на прэс-канферэнцыі паведаміў міністр юстыцыі Беларусі Віктар Галаванаў.
У мінулым годзе, паводле звестак Мінюста, з 1,9 млн. выканаўчых дакументаў амаль 13 працэнтаў былі закончаны актамі аб немагчымасці спагнання. Такім чынам, не ўдалося атрымаць каля Br44 млрд. У прыватнасці, гэта адбываецца ад таго, што даўжнікі наўмысна хаваюць маёмасць, даходы, не працуюць.
Менавіта таму за наўмыснае ўхіленне ад выканання рашэнняў суда і будзе ўведзена крымінальная адказнасць.
Аднак міністр адзначыў, што, хутчэй за ўсё, гэта не будзе пазбаўленне волі, а будуць
іншыя віды крымінальнага пакарання.Гэта будзе праводзіцца ў рамках заканадаўства і Канстытуцыі Беларусі.
Крымінальная адказнасць адносна даўжнікоў ужо ўведзена ў Літве, Казахстане, Ізраілі і іншых краінах.
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары