Грамадства22

Суддзя-перабежчык Шміт так нахвальваў Лукашэнку, што начыста забыўся пра храналогію падзей

Былога польскага суддзю Томаша Шміта, які месяц таму перабег у Беларусь і запрасіў тут палітычны прытулак, адразу ж уключылі ў сістэму рэжымнай прапаганды. Цяпер ён ездзіць па Беларусі і на ўсе лады расхвальвае «новую радзіму» і кіраўніка мясцовага рэжыму. Пры гэтым ніхто не дбае, каб тое, што ён кажа на камеру, адпавядала хоць бы не інтэрпрэтацыйна, а факталагічна.

Польскі суддзя ў Беларусі распавёў пра касцёл у Магілёве і схлусіў

Скрыншот з відэа

Так, 6 чэрвеня Томаш Шміт выклаў у сацсетках прапагандысцкае відэа, знятае каля каталіцкага храма святога Станіслава і Ўнебаўзяцця Найсвяцейшай Панны Марыі ў Магілёве. Але ў сваім аповедзе пра гісторыю касцёла ён распаўсюдзіў фэйк, заўважыў Kalolik.life.

Шміт у сваім відэа агучыў такі тэкст:

«Мы знаходзімся ў Магілёве, недалёка ад расійскай мяжы. Прыгожы рымска-каталіцкі касцёл у стылі барока. Адрэстаўраваны па рашэнні прэзідэнта Аляксандра Лукашэнкі. Раней тут была бібліятэка, па рашэнні прэзідэнта касцёл быў вернуты рымска-каталіцкай канфесіі. Хоць каталікоў тут няшмат. Прывітанне з Магілёва».

Аднак жа самы просты фактчэкінг па адкрытых крыніцах праз Google сведчыць, што забраны савецкай уладай храм, насуперак сцвярджэнням польскага грамадзяніна, быў вернуты вернікам у 1990 годзе, калі ўлада ў Беларусі належала Вярхоўнаму Савету БССР, а Лукашэнка з таго ж 1990 года быў толькі адным з трох з лішкам сотняў ягоных дэпутатаў.

Рэстаўрацыя занядбанай святыні завяршылася да 1994 года, то-бок яшчэ да першых прэзідэнцкіх выбараў у Беларусі, і праводзілася намаганнямі вернікаў пры дапамозе замежных спонсараў, без падтрымкі дзяржавы.

Таксама былы суддзя змаўчаў пра тое, што будынак храма быў перададзены парафіі толькі ў карыстанне і па-ранейшаму застаецца ва ўласнасці дзяржавы. Мясцовыя вернікі і сёння не пакідаюць спроб вярнуць касцёл ва ўласнасць парафіі, але пакуль безвынікова.

Каментары2

  • Acab
    07.06.2024
    Што не кажыце, тлусьценькага рыбца выцяг з суседскае сажалкі памаўзьлівы кацейка. Чаго б не адбылося ў крыштальна-чыстай бяз муці вадзіцы.

    Пад гадоўлю тлустага рыбца і асобная штучная экасыстэма, гэта не папярэдні лядашчы кволы жабец-няздара, і лёс ў іх РОЗНЫ
  • Ёсік
    07.06.2024
    Самазаб'ешся, судьдзя, бо хутка пачнеш бздуру несьці шчэ больш дуркаватую. Беларусы разумеюць, хто блазан, а хто нармалёвы чалавек.

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка9

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

Як выглядае элітны клубны квартал нулявых у Мінску2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе27

У Мінску датэрмінова закрылі анімалістычную выставу. Прычына можа быць у асобных мастаках1

GTA 6 за адзін дзень пабіла рэкорды ўсіх часоў10

БАТЭ апусціўся на перадапошняе месца ў чэмпіянаце і можа ў наступную суботу вылецець з вышэйшай лігі6

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

«На жаль, многія людзі нават не ведаюць слова «барэльеф». Як беларуска робіць творы мастацтва з гіпсу1

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка9

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць