На выбарах у Бельгіі партыя прэм'ера набрала мізэрныя 5,4%, а запрашэнні на выбары пагрызлі слімакі
Выбары ў Бельгіі з'яўляюцца абавязковымі для грамадзян, якія дасягнулі 16 гадоў. За няўдзел прадугледжаны штрафы.
Партыя прэм'ер-міністра Бэльгіі Аляксандра дэ Кро прайграла выбары ў федэральны парламент, атрымаўшы 5,4% галасоў, ці сем месцаў з 150, піша Расійская служба Радыё Свабода.
«Для нас гэта быў асабліва цяжкі вечар, мы прайгралі. З заўтрашняга дня я сыходжу ў адстаўку з пасады прэм'ер-міністра. Але лібералы моцныя, мы вернемся», — сказаў Дэ Кро, выступаючы ў ноч пасля выбараў у слязах.
Дэ Кро працягне выконваць абавязкі прэм'ер-міністра да фарміравання наступнага ўрада. Ніводная з сіл не атрымала значнай перавагі, таму маюць быць перамовы аб кааліцыі. Пасля мінулых выбараў яны занялі амаль пяцьсот дзён.
У лідарах — дзве нацыяналістычныя партыі, якія ў цяперашнім скліканні знаходзіліся ў апазіцыі. Па выніках выбараў «Новы фламандскі альянс» (N-VA) зойме 24 месцы, больш радыкальны «Фламандскі інтарэс» (Vlaams Belang) — 20 месцаў.
Абедзве партыі выступаюць за аддзяленне Фландрыі ад Бельгіі і прытрымліваюцца еўраскептычнай пазіцыі.
Выбары ў Федэральны парламент Бельгіі прайшлі адначасова з рэгіянальнымі і агульнаеўрапейскімі выбарамі ў нядзелю, 9 чэрвеня. Іх вынікі адлюстроўваюць агульныя тэндэнцыі: узмацненне правых і рэзкае паслабленне «зялёных». Апошнія страцілі ў Еўрапарламенце адразу дваццаць месцаў.
Выбары ў Бельгіі з'яўляюцца абавязковымі для грамадзян, якія дасягнулі 16 гадоў. За няўдзел прадугледжаны штрафы.
Бельгійцы атрымліваюць запрашэнні на выбары па пошце. Сёлета іх абгрызлі слімакі — аж да нечытэльнага стану.
Макрон распусціў французскі парламент і абвясціў датэрміновыя выбары
Пра што думаў Макрон, абвяшчаючы датэрміновыя выбары
Прэм'ер Баварыі заклікаў як мага хутчэй правесці выбары ў Германіі пасля правалу партыі Шольца на выбарах
Партыя Віктара Орбана на выбарах у Еўрапарламент паказала найгоршы вынік за 20 гадоў
Хутчэй за ўсё, ультраправыя не змогуць стварыць кааліцыю ў новым складзе Еўрапарламента. Вось чаму
Вылецела ў невядомым кірунку спікерка КР Анжаліка Мельнікава30
Каментары