Свет1414

У Індыі жэніцца сын самага багатага чалавека краіны. На вяселле патрацілі шалёныя грошы

Шлюб сына самага багатага чалавека Індыі, мільярдэра Мукеша Амбані, верагодна, абыйдзецца больш чым у 600 мільёнаў даляраў.

Жаніх і нявеста Анант Амбані з Радхікай Мерчант. Фота: AP Photo/Rajanish Kakade, File

Багацце Амбані ацэньваецца ў 120 мільярдаў даляраў, і на працягу многіх гадоў іх сям'я не грэбавала экстравагантна траціць свае грошы, хоць на самы дарагі дом у свеце — 27-павярховы асабняк-хмарачос, які ўзвышаецца над Мумбаі, — або на вяселле, якое раней лічылася самым дарагім у Індыі, выдаткаваўшы амаль 100 мільёнаў даляраў (у 2018-м замуж аддавалі дачку, на свяце выступала спявачка Беёнсе).

Але нават для сям'і Амбані шматмесячныя ўрачыстасці, звязаныя з вяселлем малодшага сына, 29-гадовага Ананта Амбані, з Радхікай Мерчант, дачкой фармацэўтычнага магната, перасягнулі самыя смелыя фантазіі, піша The Guardian.

Дом мільярдэра Амбані ў Мумбаі «Антылія». Фота: AP Photo/Rajanish Kakade

Сама цырымонія шлюбу праходзіць на працягу трох дзён у фінансавай і кіношнай сталіцы Мумбаі, пачынаючы з пятніцы. На яе запрошаны зорныя і ўплывовыя госці — ад зорак Балівуда да палітыкаў. Прэм'ер-міністр Індыі Нарэндра Модзі, былыя прэм'ер-міністры Вялікабрытаніі Барыс Джонсан і Тоні Блэр, селебрыці Дэвід і Вікторыя Бэкхэм, Кім і Хлоя Кардаш'ян…

Каля асабняка Амбані. Фота: AP Photo/Rajanish Kakade, File

Размінка пачалася яшчэ ў сакавіку з перадвясельнай вечарынкі. Спявачцы Рыяне, якая там выступіла, заплацілі 6 мільёнаў даляраў. А 1200 гасцей, сярод якіх былі Біл Гейтс, Хілары Клінтан, Іванка Трамп і Марк Цукерберг, былі запрошаныя на светлавое шоу з удзелам 5500 дронаў і вечарыну ў стылі джунгляў, якая суправаджалася дзевяцістаронкавым дрэс-кодам.

Іванка Трамп на перадвясельнай вечарынцы Амбані. Фота: AP Photo/Ajit Solanki

Затым у маі быў арганізаваны вясельны круіз па Міжземным моры на 800 гасцей коштам 150 мільёнаў даляраў з выступамі Андрэа Бачэлі, Кэці Пэры, The Backstreet Boys і Pitbull. Вечарыны на борце былі настолькі шумнымі, што жыхары італьянскага горада Генуя выклікалі паліцыю з-за шуму, аналагічна абураліся і ў рыбацкім паселішчы Партафіна.

На мінулым тыдні на традыцыйную перадвясельную ноч з танцамі і музыкай прыляцеў выступіць Джасцін Бібер — яму заплацілі 10 мільёнаў даляраў.

Што да самога вяселля, то асноўныя цырымоніі пройдуць у велізарным канферэнц-цэнтры ў Мумбаі. Да абурэння многіх жыхароў Мумбаі, паліцыя на тры дні абмежавала доступ да дарог каля канферэнц-цэнтра.

Сямейныя мерапрыемствы таксама пройдуць у «Антыліі», велізарным шматпавярховым асабняку Амбані ў Мумбаі, у якім ёсць бальная зала, басейн, верталётная пляцоўка і кінатэатр, які быў упрыгожаны гірляндамі і кветкамі для святочных мерапрыемстваў.

Каментары14

  • Жах
    14.07.2024
    Каставае грамадства, такое яно
  • Рукі-твар Шывы
    14.07.2024
    Мумбаі збірае сяброў. Заходнія зоркі і фундатары тыпу Гейтса маглі б публічна адмовіцца ад удзелу і параіць гэтым вялікім Маголам лепей выдаткаваць грошы на дабрачыннасць, а не на гэты галімы пафас. Але не, грошы не пахнуць.
  • :(
    14.07.2024
    Деньги правят миром.

Цяпер чытаюць

Від на Каложскую царкву безнадзейна сапсаваны33

Від на Каложскую царкву безнадзейна сапсаваны

Усе навіны →
Усе навіны

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой58

больш чытаных навін
больш лайканых навін

Від на Каложскую царкву безнадзейна сапсаваны33

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць