У Пінскім раёне пяціхвілінны ўраган пашкодзіў больш за 60 дамоў у аграгарадку Лапаціна.
![](http://nashaniva.com/img/w840d4webp1/photos/z_2024_07/7209-r47qo.jpg.webp)
Фота тут і далей: БелТА
Моцны вецер суправаджаўся праліўным дажджом і градам памерам з перапялінае яйка. У выніку пашкоджаныя дамы, пабудовы, сельскагаспадарчыя будынкі і іншыя будынкі, піша БелТА.
Сарваныя дахі, паваленыя дрэвы, платы, апоры лініі электраперадачы.
![](http://nashaniva.com/img/w732d4webp1/photos/z_2024_07/img_20240714_210208_788-e09o7.jpg.webp)
Паводле папярэдніх звестак, пацярпелі 63 дамы, з іх 11 — сур'ёзна.
![](http://nashaniva.com/img/w732d4webp1/photos/z_2024_07/img_2024-2t8ro.jpg.webp)
Каб аднавіць дамы, працуюць чатыры падраздзяленні МНС, прадстаўнікі Пінскага і Целяханскага лясгасаў, чатыры брыгады энергетыкаў.
Спецыялісты дапамагаюць накрыць дахі, распілаваць і прыбраць паваленыя дрэвы, паправіць пашкоджаныя агароджы, расчысціць дарогі і завалы.
Каментары