БДУІР завяршыў набор платнікаў. Сярэдні бал усяго на 13 меншы, чым на бюджэт
Самыя высокія прахадныя балы на платную форму 359 балаў і 350 балаў.
БДУІР расказаў аб завяршэнні набору на платную форму навучання. Залічана больш за 900 студэнтаў-платнікаў, піша Devby.io.
Сёлета на дзённую платную форму навучання было пададзена 994 заявы. Рашэннем прыёмнай камісіі да залічэння на першы курс рэкамендавана больш за 900 абітурыентаў.
Самыя высокія прахадныя балы на платную форму — на спецыяльнасцях «Праграмная інжынерыя» (359 балаў) і «Інфарматыка і тэхналогіі праграмавання» (350 балаў) факультэта камп'ютарных сістэм і сетак. І на спецыяльнасць «Праграмная інжынерыя» на факультэце камп'ютарнага праектавання (343 балы).
На завочную скарочаную форму атрымання адукацыі на ўмовах аплаты сёлета да залічэння рэкамендавана больш за 500 выпускнікоў каледжаў.
На дыстанцыйную і завочную платную формы навучання залічаны ўсе абітурыенты, якія падалі заяву.
Гэтым летам прыём дакументаў на ўсе формы навучання ўжо скончаны. Усяго ў 2024 годзе ў БДУІР падалі заявы каля 3300 чалавек. Сярод іх два абітурыенты, якія набралі 400 балаў.
Сярэдні бал залічаных абітурыентаў па дзённай форме атрымання адукацыі склаў: за кошт сродкаў бюджэту — 344 балаў, на ўмовах аплаты — 331 бал. З балам 300 і вышэй дакументы падалі 1 793 чалавекі. Палова тых, хто падаў дакументы —дзеці з рэгіёнаў.
-
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі
-
Стаў вядомы прысуд падпалкоўніку Чарамных, якога абвінавачвалі ў здрадзе дзяржаве
-
«Адчула плявок — і ўсе смяюцца». У польскім Быдгашчы сям'я напала на мужа і жонку з Беларусі
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары