ЕСПЧ адмовіў Андрэю Гнёту ў абароне ад экстрадыцыі напярэдадні разгляду яго скаргі ў Бялградзе
Гэта адбылося за некалькі дзён да разгляду яго скаргі на рашэнне аб экстрадыцыі.
Беларускі рэжысёр Андрэй Гнёт паведаміў, што Еўрапейскі суд па правах чалавека (ЕСПЧ) трэці раз адмовіў яму ў абароне ад экстрадыцыі. Гэта адбылося за некалькі дзён да разгляду яго скаргі на рашэнне аб экстрадыцыі ў Беларусь у апеляцыйным судзе Бялграда, піша Reform.news.
«Гэта значыць, што цяпер у мяне ўсё яшчэ няма ніякай міжнароднай падтрымкі перад абліччам Апеляцыйнага суда 27-га жніўня ў Бялградзе. ЕСПЧ лічыць мой запыт заўчасным. Ён можа змяніць сваё рашэнне …пасля сербскага суда, які будзе апошнім і канчатковым», — напісаў Гнёт у фэйсбуку.
Ён адзначыў, што цяпер яму трэба «падключаць яшчэ больш юрыдычных рэсурсаў унутры Сербіі».
«Яны працуюць толькі па перадаплаце. Заўтра — ужо позна. Сёння — у самы раз», — напісаў ён. У фэйсбуку ж ён паказаў свае рэквізіты, па якіх усе жадаючыя могуць аказаць яму фінансавую падтрымку.
Як паведамлялася, сербскі суд пастанавіў экстрадзіраваць рэжысёра Андрэя Гнёта ў Беларусь. Беларус спрабуе дамагчыся адмены гэтага рашэння.
-
Шрайбман: Ад адных чую, што Мінск стаў пустым і ўсе чакаюць вяртання людзей. А іншая пазіцыя: усё нармальна, з’ехалі — на здароўе
-
Святлана Шаціліна патлумачыла, чаму пакінула пасаду кіраўніцы Місіі дэмсіл Беларусі ва Украіне
-
Паездка на самакаце абышлася мінчанцы ў 16 тысяч даляраў — столькі давядзецца патраціць на зубы
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары