«СБ» вырашыла праверыць, ці зручна замежніку ў Мінску. Не паверыце, на чым спатыкнуліся
Журналістка дзяржаўнай газеты «СБ. Беларусь сегодня» вырашыла правесці эксперымент — наколькі лёгка сарыентавацца ў Мінску англамоўнаму замежніку.
Эксперымент яна пачала з чыгуначнага вакзала ў Мінску.
«Ля ўваходу на першым паверсе нас сустракаюць два вялікія табло з раскладам — на жаль, інфармацыя толькі на рускай», — канстатуе яна.
Нагадаем, на вакзале з пачатку года прыбралі англійскую мову на інфармацыйных табло. Частку надпісаў проста заклеілі ізалентай.
Выкрэслівання англійскай мовы і лацінкі з гарадской прасторы дабіваліся прарасійскія актывісты з Вольгай Бондаравай на чале. Рашэнне прыбраць лацінку ў выніку спусцілі з Адміністрацыі Лукашэнкі. Прапаганда абараняла гэту пазіцыю. Таму сюрпрыз чакае замежніка, які не валодае рускай мовай, не толькі на вакзале (але пра шыльды ў метро і горадзе ў тэксце «СБ» ужо не згадваюць).
Што да чыгуначнага вакзала, то журналістка «СБ» адзначае, што разабрацца замежніку можна з дапамогай даведачнага тэрмінала з англійскай мовай у меню. Там можна паглядзець расклад, знайсці інфармацыю і прапановы экскурсій.
Украінка з расійскім пашпартам Анна Асці будзе двойчы запар збіраць «Мінск-Арэну»2
Каментары