Зяленскі пра захопленую частку Курскай вобласці: Мы перавярнулі гульню і выцясняем вайну на тэрыторыю Расіі
Прэзідэнт Украіны на базе Рамштайн таксама заявіў, што Расія рыхтавала наступ на Сумскую вобласць з Курскай вобласці.
Больш за 1,3 тысячы квадратных кіламетраў Курскай вобласці ў цяперашні час знаходзіцца пад кантролем УСУ, сцвярджае прэзідэнт Украіны Уладзімір Зяленскі. Ён заявіў пра гэта на пасяджэнні кантактнай групы па пытаннях абароны Украіны, якая праходзіць на авіябазе NATO Рамштайн у Германіі.
«І гэта ўключае 100 населеных пунктаў. Значная частка гэтай тэрыторыі была пакінута расійскімі войскамі. Яны проста беглі, калі ўбачылі набліжэнне нашых войскаў. Значная частка тэрыторыі была ўзятая пад кантроль нашымі войскамі падчас бою», — сказаў Зяленскі.
Расійскія вайскоўцы штодня заяўляюць аб адбіцці спробаў УСУ наступаць у Курскай вобласці, украінскае ўварванне ў якую пачалося месяц таму — 6 жніўня.
Уладзімір Пуцін, выступаючы на форуме ва Уладзівастоку, сцвярджаў, што расейскія вайскоўцы «стабілізавалі сітуацыю» ў Курскай вобласці і пачалі «паступова выціскаць» УСУ з тэрыторыі Расеі.
Зяленскі на базе Рамштайн таксама заявіў, што Расія нібыта рыхтавала наступ на Сумскую вобласць з Курскай вобласці.
«Сёння роўна месяц з пачатку нашай аперацыі ў Курскай вобласці Расіі. Гэта памежжа, з якога Пуцін рыхтаваўся распаўсюдзіць вайну на ўкраінскую тэрыторыю. Ён рыхтаваўся пачаць новы наступ супраць нашага горада Сумы. Мы перавярнулі гульню і выцясняем вайну на тэрыторыю Расеі дзякуючы нашаму контрнаступленню», — цытуе яго «Украінская праўда».
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна34
Каментары