Пад Гроднам прадаюць руіны былога вадзянога млына XIX стагоддзя
У Сапоцкіне прадаюць будынак былога вадзянога млына. Ён датуецца XIX стагоддзем — больш дакладныя звесткі не захаваліся. Каля млына працякае ручай, які ўпадае ў Аўгустоўскі канал. Аб’ява з’явілася на сайце «Магазин недвижимости», піша Hordna.life.
Млын пабудаваны ў стылі фахверк (разнавіднасць каркаснага домабудавання, тыповая для сялянскіх пабудоў) з цэглы і бутабетону. Ён знаходзіцца ў асяроддзі ляснога масіва і каскаду азёр.
Плошча ўчастка — 45 сотак, будынка — 331 кв.м., аб’ём будынка — 1550 м³, плошча забудовы — 218 м². Знос будынка — 70%: часткова захаваліся сцены, няма даху. Ёсць магчымасць падключыцца да электразабеспячэння. Кошт — $ 18 000
Прадаўцы адзначаюць, што ўся акруга Сапоцкіна — музей пад адкрытым небам. Побач знаходзіцца Аўгустоўскі канал, фарты Гродзенскай крэпасці, палацава-паркавы комплекс «Свяцк», самыя старыя ў Беларусі яўрэйскія могілкі з пахаваннямі XIII стагоддзя.
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук1
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары