Экс-мэр Уладзівастока, які атрымаў 15 гадоў калоніі, паедзе ваяваць супраць Украіны. Яго пераемнік на пасадзе мэра ўжо на фронце
Ігар Пушкароў завербаваўся ў расійскую армію з калоніі. Крыху раней на фронт адправіўся іншы экс-мэр Уладзівастока Алег Гумянюк.
Былы мэр Уладзівастока Ігар Пушкароў, які атрымаў 15 гадоў калоніі за карупцыю, падпісаў кантракт з расійскім Мінабароны і паедзе на вайну супраць Украіны.
Пра тое, што Пушкароў выйдзе з калоніі і паедзе на фронт, паведамілі крыніцы ў асяроддзі экс-мэра і яго адвакат, піша «Коммерсант».
Пушкароў кіраваў горадам з 2008 па 2017 год. Яго арыштавалі, калі ён яшчэ знаходзіўся на пасадзе. У 2019 годзе Цвярскі раённы суд Масквы прызнаў Пушкарова вінаватым у атрыманні, дачы хабару і пасярэдніцтве ў гэтым, камерцыйным подкупе, а таксама ў злоўжыванні службовымі паўнамоцтвамі.
У ліпені 2022 года Пушкарова зноў судзілі — па справе аб злоўжыванні службовымі паўнамоцтвамі. З улікам першага прысуду экс-мэр атрымаў 15 гадоў і 3 месяцы калоніі строгага рэжыму са штрафам у 5 млн даляраў.
Цікава, што пераемнік Пушкарова на пасадзе мэра Уладзівастока Алег Гумянюк прайшоў па аналагічным маршруце. Ён займаў пасаду ў 2018-2021 гадах, ужо пасля адстаўкі яго затрымалі. У студзені 2023 года Гумянюк атрымаў 16,5 года калоніі і штраф у 1,5 млн даляраў за карупцыю: па даных следства, экс-мэр набраў хабараў на 390 тыс. даляраў.
У зняволенні Гумянюк прабыў нядоўга: у снежні 2023-га ён завербаваўся ў расійскую армію і з'ехаў на вайну.
-
Юнак з Бураціі тры гады марыў ваяваць ва Украіне. Падпісаў кантракт на наступны дзень пасля 18‑годдзя — і праз два месяцы загінуў
-
Дональд Туск дапускае прамыя расійскія ўдары па тэрыторыі Польшчы ў найбліжэйшы час
-
У час удару па ўкраінскім памежным пераходзе там былі еўрапейскія дарадцы па бяспецы і Борыс Джонсан
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары