Улады Беларусі запусцілі флэшмоб: работнікаў і вайскоўцаў змушаюць прасіць Лукашэнку балатавацца на 7-ы тэрмін ВІДЭА
Рашэнне даўно прынятае, масіраваная прапаганда ідзе ва ўсю даўно, але робіцца выгляд, што гэта падданыя просяць Аляксандра Лукашэнку.
У тэлеграм-каналах «Беларуснафты» і Міністэрства абароны Беларусі з'явіліся амаль ідэнтычныя відэа. Яны пачынаюцца аднолькава — з кавалка інтэрв'ю Аляксандра Лукашэнкі расійскай прапагандыстцы Вользе Скабеевай. Яна пытае пра вылучэнне на чарговыя выбары, а яе суразмоўца какетліва адказвае, што пойдзе, калі яго прыхільнікі скажуць «трэба».
Далей ідзе відэашэраг, на якім розныя людзі вымаўляюць слова «Трэба».
Вайскоўцы ў сваім роліку выстраіліся ў выглядзе слова «Надо».
Сярод удзельнікаў відэа — дэсантнік з Мар'інай Горкі Андрэй Шарупіч.
У 2022 годзе ён здымаўся яшчэ ў адным прапагандысцкім роліку — адказу ўкраінскім вайскоўцам, якія заклікалі не выконваць злачынныя загады і не ўступаць у вайну.
Можна меркаваць, што з набліжэннем 26 студзеня колькасць падобнага кантэнту будзе толькі расці.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары