Ваенкар заявіў, што расійскія дэсантнікі ў Курскай вобласці апынуліся ў акружэнні
Z-ваенкар Юрый Падаляка распавёў пра сітуацыю на курскім кірунку на 10 лістапада.
Падаляка піша, што на гэтым участку які дзень ідуць баі.
«Прычым, мяркуючы па тым, што адбываецца ўжо другі дзень, праціўнік (а паўтару яшчэ раз, тут у праціўніка назапашаныя рэзервы і ён меў планы наступаць, а мы проста згулялі на апярэджанне) паступова нейтралізуе тыя пагрозы, якія ў яго з'явіліся, кшталту прарыву калоны 810-ай брыгады праз н.п. Паграбкі на поўдзень.
Тыя нашы часці, якія былі высаджаны з броні ў некалькіх месцах занялі кругавую абарону і да іх пакуль ніхто прабіцца не можа. Усе нібыта намі ў той дзень вызваленыя вёскі на цяпер знаходзяцца пад амаль поўным кантролем праціўніка», — піша Падаляка.
Паводле яго слоў, у цэлым пагрозу ад расійскага прарыву УСУ лакалізавалі.
«Увесь поспех быў у першыя дні. Далейшае прасоўванне ўгразла ў абароне праціўніка», — піша блогер.
«Па выніку маем тактычныя поспехі, якія нават у аператыўна-тактычныя даціснуць мы не змаглі», — дадае Падаляка.
Каментары
А сегодня он просто откатил свой наступ на исходные, чтоб Киев не взять ненароком забывшись