У Ватыкане 20 лістапада было апублікавана новае выданне Ordo Exsequiarum Romani Pontificis — парадку пахавання рымскага пантыфіка. Яно было зацверджана Папам Францішкам, а першы асобнік атрымаў сам пантыфік, паведамляе Katolik.life на падставе публікацыі ў афіцыйнай ватыканскай прэсе.
Галоўныя новаўвядзенні — абрад канстатацыі смерці пантыфіка будзе цяпер адбывацца не ў пакоі, а ў ягонай асабістай капліцы.
Цела спачылага будзе неадкладна пакладзена ў труну. Выстаўляцца для апошняга развітання яно будзе таксама ў труне, а не на катафалку, як гэта рабілася раней.
Замест трох традыцыйных трунаў з кіпарыса, свінца і дуба цяпер будуць выкарыстоўвацца толькі дзве — з цынку і дрэва.
«Абноўлены абрад мае на мэце паказаць, што здзяйсняецца пахаванне пастыра і вучня Хрыста, а не моцнага свету гэтага», — патлумачыў арцыбіскуп Дыега Равелі, кіраўнік Службы папскіх літургічных набажэнстваў.
Новая Кніга абрадаў заменіць выданне 2000 года, зацверджанае ў 1998 годзе Янам Паўлам II, якое выкарыстоўвалася падчас яго пахавання ў 2005 годзе, а таксама, з некаторымі зменамі, падчас пахавання Бенедыкта XVI у 2023 годзе. Пры падрыхтоўцы новага выдання пад увагу браліся некаторыя заўвагі, якія ўзніклі падчас пахаванняў гэтых пантыфікаў, а таксама пажаданні папы Францішка, які папрасіў спрасціць абрады і распрацаваць іх такім чынам, каб яны лепш праяўлялі веру Каталіцкай царквы ва ўваскрослага Хрыста.
Адна з самых значных змен — спрашчэнне тытулаў пантыфіка. Была вернута тэрміналогія, якая выкарыстоўвалася ў трэцім выданні Рымскага Імшала 2008 года: Папа, Біскуп Рыму і пастыр.
Відавочна, што першым паводле абноўленага абраду будзе пахаваны цяперашні Папа Рымскі, якому 17 снежня мае споўніцца 88 гадоў. У мінулым годзе Францішак заявіў, што хацеў бы быць пахаваным у базыліцы Санта-Марыя-Маджорэ.
«Усміхнуўся і добразычліва кіўнуў». Магілёўскі біскуп расказаў, пра што ён размаўляў з Папам у Ватыкане
Зяленскі падарыў Папу Рымскаму карціну, прысвечаную трагедыі ў Бучы
Папа Францішак папрасіў перадаць прывітанне Лукашэнку
Папа Францішак раскрытыкаваў абодвух кандыдатаў у прэзідэнты ЗША
Папа Рымскі трапіў у вялікі скандал пасля заявы, што ў каталіцкіх семінарыях квітнее «гамасяціна»
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў77
Каментары
ну ўжо парагрэс