Ф'ючарсы на каву арабіка на Нью-ёркскай біржы ICE дасягалі адзнакі $3,35 за фунт. Гэта самы высокі паказчык з 1977 года, адзначае Reuters.
Фота: vecteezy
З пачатку года цэны на арабіку выраслі прыкладна на 75%.
Кава даражэе на фоне боязі, што рынак чакае дэфіцыт у 2025 годзе. Прычынай стала засуха ў Бразіліі. Як раней паведамлялася, сезон стаў самым засушлівым з 1981 года.
Некаторыя бразільскія фермы адклалі пастаўкі арабікі, бо спадзяюцца прадаць яе пазней па больш высокай цане. У выніку на рынку ўтварыўся кароткатэрміновы недахоп прапановы.
Аднак зніжаецца кошт кавы рабуста.
У пятніцу, 29 лістапада, ф'ючарсы былі на ўзроўні $5,5 за тону. Пры гэтым рабуста раней таксама дасягнула максімальнай цаны за 47 гадоў — $5,69.
Каментары