Амаль палова з іх — замежныя грамадзяне.
У беларускіх санаторыях на Новы год чакаецца поўная загрузка, запаўняльнасць складае 99%, паведаміў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі.
Паводле яго слоў, засталіся толькі адзінкавыя месцы, якія «ў выпадку адмовы або непрадбачаных сітуацый яшчэ можна купіць», піша «Спутнік».
«Але мы гаворым пра тое, што санаторыі ўжо запоўненыя… у перыяд навагодніх святаў у санаторыях Беларусі будуць знаходзіцца больш за 24 тысячы чалавек, з іх амаль палова — замежныя грамадзяне», — сказаў ён на прэс-канферэнцыі ў чацвер.
Для гасцей беларускіх санаторыяў плануецца насычаная праграма. Акрамя аздараўленчага працэсу, іх чакае навагодняе прадстаўленне і банкет.
Кошт мерапрыемства для аднаго госця — 250 рублёў.
«Пераважна пуцёўкі набываюцца ў інтэрвале з 25 снежня па 7 студзеня. У гэтыя два тыдні запаўняльнасць будзе стоадсоткавая», — канстатаваў Балбатоўскі.
Што тычыцца кошту пуцёвак на навагоднія даты, то ў гэты перыяд яна вышэй, чым звычайна — 130 рублёў. Тлумачыцца гэта павышаным попытам, удакладніў дырэктар Цэнтра.
Генадзь Балбатоўскі таксама дадаў, што айчынныя санаторыі, якія працуюць за мяжой, таксама будуць прымаць гасцей на Новы год. Але не ўсё.
«Беларускія санаторыі на тэрыторыі Расійскай Федэрацыі таксама будуць працаваць з максімальнай загрузкай. Што тычыцца іншых санаторыяў, у Юрмале ў нас па-ранейшаму не функцыянуе (па санкцыйных прычынах). У Друскеніках — санаторый запатрабаваны і таксама будзе запоўнены на Новы год», — рэзюмаваў ён.
-
У Польшчы пачаўся суд над бандай падпальшчыкаў і гандляроў зброяй, якіх наймалі расійскія спецслужбы. Сярод абвінавачаных трое беларусаў
-
У ААН зарэгістравалі скаргу былой палітзняволенай Ларысы Шчыраковай на прымусовую дэпартацыю з Беларусі
-
Якая логіка судоў за Гаюн? Мужчына, якога затрымлівалі па гэтай справе, апісаў убачанае
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае19
Каментары