Генеральны сакратар НАТА заклікаў рыхтавацца да вайны з Расіяй праз 5 гадоў
Генеральны сакратар НАТА Марк Рутэ заклікаў членаў альянсу рыхтавацца да магчымай вайны з Расіяй у сярэднетэрміновай перспектыве. Выступаючы ў Брусэлі, ён падкрэсліў, што бягучыя намаганні па ўмацаванні абароны недастатковыя, піша Deutsche Welle.
«Мы не гатовыя да таго, што можа чакаць нас праз чатыры-пяць гадоў. Тое, што цяпер адбываецца ва Украіне, можа адбыцца і з намі», — заявіў Рутэ.
Хоць, па словах генсака НАТА, непасрэднай ваеннай пагрозы з боку Расіі на гэты момант няма, ён лічыць, што Масква рыхтуецца да доўгатэрміновай канфрантацыі з Украінай і заходнімі краінамі.
Марк Рутэ падкрэсліў неабходнасць пераходу да «мыслення ваеннага часу» і прапанаваў павялічыць вайсковыя выдаткі, назваўшы гэта адзіным спосабам пазбегнуць буйной вайны на тэрыторыі краін альянсу:
«Калі мы не будзем выдаткоўваць больш цяпер, каб прадухіліць вайну, то пазней заплацім значна больш — не мільярды, а трыльёны еўра. І гэта калі мы наогул пераможам».
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары