ХАМАС у абмен вызваліў трох ізраільскіх закладнікаў.
Ізраіль вызваліў першую групу з 90 палесцінскіх зняволеных у межах пагаднення з палесцінскай групоўкай ХАМАС аб часовым спыненні агню ў сектары Газа, піша Радыё Свабода.
Перад вызваленнем ізраільскія сілы бяспекі і прадстаўнікі Чырвонага Крыжа праверылі асобы кожнага зняволенага і правялі медыцынскі агляд.
Агенцтва AFP паведамляе, што недалёка ад ваеннай турмы Офер у Бейтуніі натоўп людзей сустракаў аўтобусы з вызваленымі зняволенымі апладысментамі. Сярод вызваленых ізраільскімі ўладамі — 69 жанчын, 12 мужчын, восем падлеткаў і адна непаўналетняя дзяўчына. 78 з іх — жыхары Заходняга берага ракі Іардан, 12 — Усходняга Ерусаліма.
Раней паведамлялася, што яны былі затрыманыя пасля 7 кастрычніка 2023 года, у асноўным за заклікі ў сацыяльных сетках да гвалту ў адносінах да ізраільцян.
Днём раней у межах здзелкі былі вызвалены тры закладніцы, захопленыя джыхадыстамі ў Ізраілі 7 кастрычніка 2023 года: 24-гадовая Ромі Гонен, 28-гадовая Эмілі Тэйла Дамары і 31-гадовая Доран Штэйнбрэхер. Дамары і Штэйнбрэхер былі выкрадзены з кібуца Кфар-Аза, яны маюць другое грамадзянства — Вялікабрытаніі і Румыніі. Ромі Гонен была выкрадзена на музычным фестывалі Nova.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала17
Каментары