Польскія медыя засумняваліся ў нападзе ў Варшаве на Яна Маліцкага, які стварыў Праграму Каліноўскага
Польская паліцыя працягвае праверку заявы прафесара Яна Маліцкага аб нападзе на яго ў снежні 2024 года. Высноў няма больш за месяц, нагадвае Радыё Свабода.
Дырэктар Цэнтра ўсходнееўрапейскіх даследаванняў Варшаўскага ўніверсітэта Ян Маліцкі сцвярджае, што быў збіты невядомымі ў варшаўскім Казімежаўскім парку ў другой палове снежня 2024 года. Паліцыя праводзіць праверку ўжо больш за месяц, але пакуль не знайшла ніякіх доказаў, якія б гэта пацвердзілі, паведамляе польскі сайт tvn24.pl.
Журналісты прааналізавалі таксама запісы з камер відэаназірання. Яны нібыта не пацвярджаюць прысутнасці падазроных асоб каля Маліцкага.
Паводле выдання, ратавальнікі зафіксавалі ў сваёй дакументацыі, што пацыент быў у стане алкагольнага ап’янення і ўпаў з лесвіцы:
«Паводле нашых высноў, Маліцкі сказаў ім, што вяртаецца з імпрэзы. Ён не сказаў, што яго білі. Ён папрасіў адвезці яго дадому. З прычыны траўмаў галавы ратавальнікі даставілі пацярпелага ў шпіталь раёна Прага. Паводле запісаў, яны прыбылі туды ў 23:36. Пра збіццё Ян Маліцкі таксама не паведаміў лекарам у шпіталі. На далейшую дыягностыку ён не пагадзіўся і па ўласным жаданні пакінуў установу праз восем хвілін пасля поўначы».
Але пасля вяртання дадому яму стала горш, і 20 снежня, на наступны дзень пасля здарэння, ён выклікаў хуткую дапамогу. Яго даставілі ў ваенны шпіталь на вуліцы Шасэраў. Толькі там ён упершыню паведаміў лекарам, што яго збілі.
У размове з журналістамі tvn24.pl ён прызнаўся, што ў медыцынскай карце ёсць «падзенне з лесвіцы».
У інтэрв’ю газеце Rzeczpospolita Ян Маліцкі раней сказаў, што ў ноч на 20 снежня ў Казімежаўскім парку, што каля Варшаўскага ўніверсітэта, на яго напалі двое мужчын. Спачатку невядомыя спыталі, як яго завуць, а калі ён назваўся, ударылі па галаве. Прафесар Ян Маліцкі страціў прытомнасць і ачуўся толькі ў машыне хуткай дапамогі. Перад здарэннем ён быў на сустрэчы, якая скончылася позна, а пасля пайшоў праз дрэнна асветлены Казімежаўскі парк.
У прафесара выявілася сур’ёзная траўма галавы: пералом чэрапа, дзве гематомы і страсенне мазгоў.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?19
Каментары
Мае спачуваннi сваякам пана Яна, гэта вельмi цяжкае выпрабаванне.