У Бабруйску 16-гадовы хлопец арганізаваў кол-цэнтр, які займаўся «мініраваннем»
16-гадовы навучэнец каледжа шукаў у ьтэлеграме людзей, якім быў гатовы заплаціць 300—500 рублёў за тэлефонныя званкі ў міліцыю з ілжывымі паведамленнямі пра «мініраванне» розных устаноў і «захоп закладнікаў», паведамляе СК.
У студзені ў міліцыю Бабруйска з розных мабільных нумароў паступіла восем ілжывых паведамленняў аб небяспецы.
5 разоў паведамлялася пра «мініраванне» каледжа, дзе сам вучыўся падлетак. Па адным разе «мініраванымі» называлі краму каля яго дома і дзіцячы санаторый «Свіслач» ў Асіповіцкім раёне.
Таксама званкі змяшчалі фальшывую інфармацыю пра «захоп і ўтрымліванне закладнікаў» у каледжы.
Заведзеная крымінальная справа. Юнака затрымалі, яму пагражае рэальны тэрмін пазбаўлення волі.
Каментары