У новым выпуску ТОКу святар Аляксандр Кухта выказаў свой погляд на «асабістага святара» Лукашэнкі, айца Фёдара Поўнага.
Аляксандр Кухта вельмі скептычна адносіцца да вызначэння айца Фёдара Поўнага як асабістага святара Лукашэнкі:
«Думаю, што там усё не так проста. Магчыма, у айца Фёдара Поўнага былі некаторыя стасункі з Лукашэнкам. Я гэтага не ведаю. Я не быў сведкам. Але я не думаю, што Лукашэнка — той чалавек, якому патрэбен святар, які ўвогуле ведае, што такое споведзь і хоць раз там быў у сваім жыцці».
Тое, што паміж Лукашэнкам і Поўным склаліся дастаткова блізкія адносіны, Кухта тлумачыць іншымі абставінамі:
«Ёсць тэорыя, што айцец Фёдар Поўны калісьці быў святаром, праз якога Лукашэнка размаўляў з царквой. Таму што, напрыклад, у мітрапаліта Філарэта хапала незалежнасці, моцы і проста розуму на тое, каб вельмі блізка не сябраваць з уладай. Ён трымаў вакол сябе некалькіх людзей, якія прымалі на сябе ўдар улады і трымалі дыстанцыю паміж Філарэтам і Лукашэнкам. Якая-ніякая, але яна была.
А Поўны пайшоў абдымацца-цалавацца і таму быў улюбёным святаром Лукашэнкі. Потым пры мітрапаліце Паўле — тое самае. (…) У яго была ступень незалежнасці. І таму Поўны быў патрэбен».
Сітуацыя, па словах Кухты, змянілася, калі мітрапалітам стаў Веніямін, які пачаў сам камунікаваць з Лукашэнкам.
«Поўны стаў проста непатрэбны. Дзеля чаго цалавацца з айцом Фёдарам, калі ёсць мітрапаліт Веніямін? І вось, напрыклад, той вялікі храм (Усіх Святых. — НН), які айцец Фёдар калісьці будаваў… Ён ужо не настаяцель гэтага храма. Настаяцель там мітрапаліт Веніямін. Ён прыйшоў і сказаў: «Я — мітрапаліт. Маё. Аддайце».
Глядзіце цалкам:
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары