Еўрапейскі Саюз адклаў свае першыя контрмеры супраць Злучаных Штатаў, якія ён падрыхтаваў у якасці адказу на тарыфы на металы, уведзеныя прэзідэнтам Дональдам Трампам, да сярэдзіны красавіка. Пра гэта паведамляе Reuters.
Еўрапейская камісія прапанавала аднавіць тарыфы 2018 года на тавары ЗША коштам 4,5 мільярда еўра з 1 красавіка, а з 13 красавіка — на тавары коштам 18 мільярдаў еўра.
«Цяпер мы разглядаем магчымасць узгадніць тэрміны ўвядзення двух набораў контрмераў ЕС, каб мы маглі кансультавацца з дзяржавамі-членамі ў абодвух спісах адначасова. Гэта таксама дасць нам дадатковы час для перамоваў з нашымі амерыканскімі партнёрамі», — заявіў еўракамісар па пытаннях гандлю Мараш Шэфчавіч на слуханнях у Еўрапейскім парламенце 20 сакавіка.
Камісія пасля пацвердзіла, што ўсе контрмеры ЕС уступяць у сілу ў сярэдзіне красавіка. Першы пакет контрмераў уключае прымяненне 50% тарыфу на амерыканскі бурбон. Трамп жа прыгразіў накласці 200-працэнтны тарыф на ўсе віны і іншыя алкагольныя прадукты, якія паступаюць з ЕС, калі Еўрасаюз пойдзе на гэта.
Адміністрацыя Трампа таксама плануе ўвесці «ўзаемныя» тарыфы 2 красавіка, каб аднавіць баланс у сусветнай гандлёвай сістэме.
Мараш Шэфчавіч адзначыў, што пакуль яму ўдалося дасягнуць абмежаванага прагрэсу ў перамовах з амерыканскімі калегамі. Напрыклад, па ягоная прапанове пагадзіліся абмеркаваць зніжэнне ўвазных пошлін на прамысловыя тавары.
«Я не думаю, што ЗША думаюць у гэтым кірунку», — сказаў ён, дадаўшы, што прыярытэтам амерыканцаў, падобна, з'яўляецца прыцягненне інвестыцый і рэіндустрыялізацыя.
«І цяпер яны лічаць, што найлепшы спосаб зрабіць гэта-праз тарыфную палітыку. Я спадзяюся, што аднойчы мы дойдзем да гэтай дыскусіі, але пакуль мы відавочна не там», — сказаў еўрачыноўнік.
Адтэрміноўка контрмераў можа дазволіць унесці пэўныя карэктывы ў спіс амерыканскіх тавараў, супраць якіх яны накіраваныя.
Трамп працягнуў гандлёвую вайну супраць Канады і зноў заявіў пра 51-шы штат як мэту
ЗША не першы раз у гісторыі вядуць гандлёвыя войны. Ці прыносілі поспех папярэднія?
Трамп падвоіў мыты на тавары з Кітаю і ўвёў у дзеянне ўказ пра мыты для Канады і Мексікі ў 25%
Трамп увёў тарыфы для Кітая і хоча абкласці імі Еўрасаюз. Ці закране Беларусь?
Цяпер чытаюць
Лукашэнка незадаволены віцэ-прэм’еркай Наталляй Пяткевіч — «буксуе»19
Каментары