У сховішчы мінскага банка знайшлі дзіўную купюру — дзесяць даляраў з Вашынгтонам
Банкнота здаецца сапраўднай, калі б не адна дэталь.
У адным з банкаў Мінска падчас праверкі і пераліку грошай у сховішчы знайшлі дзіўную купюру. На купюры ўзору 1988 года быў пазначаны намінал дзесяць даляраў, аднак намаляваны партрэт першага прэзідэнта ЗША Джорджа Вашынгтона, які друкуецца на купюрах у адзін даляр.
Акрамя таго, пад партрэтам па-англійску было напісана «адзін даляр», а не дзесяць. Сілавікі канфіскавалі купюру і заказалі экспертызу. Эксперт прыйшоў да высновы, што гэта была сапраўдная аднадаляравая купюра. Аднак намінал выправілі ўручную.
Адзінку на дзясятку выправілі тушшу пёравай ручкі. Цяпер следчыя завялі крымінальную справу. Хочуць знайсці, хто здаў у банк такую купюру.
Каментары