27 красавіка ў большасці сталічных паркаў пачаўся летні сезон атракцыёнаў. Толькі ў парку Горкага адкрыццё сезона пакуль адкладзена.
Пра гэта паведамляе БЕЛТА са спасылкай на ўпраўленне «Гарадскія паркі» Мінскзелянбуда.
Цяпер атракцыёны зноў працуюць у парку 900-годдзя Мінска, парку імя Уга Чавеса і ў парку культуры і адпачынку імя Чалюскінцаў. У парку імя Горкага сезон пачнецца пазней у сувязі з правядзеннем рэканструкцыі.
На балансе Мінскзелянбуда знаходзіцца 58 атракцыёнаў:
-
у парку імя Горкага — 26 атракцыёнаў;
-
у парку імя Чалюскінцаў — 16 атракцыёнаў;
-
у парку 900-годдзя Мінска і ў парку імя Уга Чавеса — па 8 атракцыёнаў у кожным.
У мінулым годзе два старыя атракцыёны былі спісаныя: у парку Чалюскінцаў — «Лебедзі», у парку Горкага — «Вальс». На іх месцы ўжо пастаўлены новыя аналагічныя атракцыёны.
Цяпер чытаюць
«Вяртайцеся, калі дарасцяце». Адзін з самых дарагіх рэстаранаў Мінска шакуе сваёй камунікацыяй4
Каментары