Плануецца, што Пуцін перадасць яго Дональду Туску 7 красавіка на сустрэчы ў катыньскім лесе.
Расійскія спецслужбы тэрмінова шукаюць у сваіх архівах спіс польскіх афіцэраў і прадстаўнікоў іх сем’яў, што былі забітыя на тэрыторыі Беларусі вясной 1940 г.
Гэты спіс на сёння з’яўляецца самай вялікай таямніцай ваенных злачынстваў СССР у дачыненні да польскіх ваеннапалонных афіцэраў. Аб яго існаванні дакладна невядома, аднак існуюць ускосныя сведчанні аб яго рэальнасці. У прыватнасці, існуе падобны спіс польскіх афіцэраў і членаў іх сямей, што былі рэпрэсаваныя на тэрыторыі Заходняй Украіны.
Вядома, што ФСБ занялася пошукамі дакументаў з ініцыятывы Уладзіміра Пуціна. Ён хоча перадаць спісы рэпрэсаваных палякаў Дональду Туску падчас урачыстасцяў, што маюць адбыцца ў Катыні 7 красавіка.
Імёны расстраляных на тэрыторыі Украіны ваеннапалонных сталі вядомыя на пачатку 90-ых гадоў. Тады з’явіўся так званы «украінскі катыньскі спіс» – акты НКВД аб расстрэле палякаў на тэрыторыі Заходняй Украіны. Ва ўкраінскім спісе 3435 прозвішчаў.
Калі іх адняць ад агульнай колькасці забітых на тэрыторыі Беларусі і Украіны – 7305 чалавек – то можна меркаваць, што ў Беларусі было расстраляна 3870 палякаў. Мяркуецца, што большасць з іх былі расстраляныя ў Курапатах, аднак дакладных звестак аб гэтым няма.
Калі «беларускі спіс» усё ж знойдзецца, ён можа часткова праліць святло на яшчэ адну трагічную старонку гісторыі Беларусі. Можна не сумнявацца, што сярод расстраляных вясной 1940 года польскіх афіцэраў і членаў іх сямей было шмат беларусаў.
Былога супрацоўніка контрразведкі КДБ арыштавалі за здраду дзяржаве9
Каментары