У сувязі з пераносам працоўнага дня з панядзелка 12 красавіка на суботу 17 красавіка, змяняецца і графік работы арганізацый аховы здароўя. Адпаведны загад падпісаны міністрам аховы здароўя нашай краіны.
Так, 10 красавіка ўсе арганізацыі аховы здароўя будуць працаваць па суботнім графіку работы, 11 красавіка — па графіку выхаднога дня. 12 красавіка бальнічныя арганізацыі аховы здароўя, якія маюць стацыянарныя ложкі, будуць працаваць па графіку працоўнага дня, а амбулаторна‑паліклінічныя арганізацыі — па суботнім графіку работы.
13 красавіка ва ўсіх арганізацыях аховы здароўя будзе дзейнічаць святочны графік работы.
Для аказання медыцынскай дапамогі насельніцтву ў выхадныя і святочныя дні загад Міністэрства аховы здароўя прадпісвае ўзмацніць работу прыёмных аддзяленняў бальніц, траўматалагічных пунктаў, аддзяленняў інтэнсіўнай тэрапіі і рэанімацыі высокакваліфікаванымі спецыялістамі, а таксама забяспечыць адміністрацыйныя дзяжурствы ў святочныя і выхадныя дні ва ўпраўленнях аховы здароўя, Камітэце аховы здароўя Мінгарвыканкама, у падведамасных арганізацыях і дома работнікаў кіруючага складу (галоўных урачоў, дырэктараў і іх намеснікаў).
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Каментары