У Беларусі з аўкцыёну прадаюць участак чыгункі. Колькі каштуе дзіцячая мара?
На сайце Мінскага абласнога цэнтра інвестыцый і прыватызацыі з’явілася незвычайная аб’ява: на аўкцыён выстаўлены кавалак чыгункі. Гаворка ідзе пра пад’язны шлях да прадпрыемства — яго прадае ААТ «Слуцкі аграсэрвіс».
На продаж прапануюць 627 метраў чыгункі (уключна з уласным стрэлкавым адгалінаваннем), з якіх 500 метраў адыходзяць ад пасажырскай лініі Слуцк — Асіповічы паміж прыпынкамі Навадворцы і Казловічы.
Пачатковы кошт лота — 58 882 рублі. Першы крок таргоў — 5%. Акрамя таго, пераможца павінен будзе аплаціць 5% ад канчатковай сумы за арганізацыю таргоў.
Мінімальна магчымая цана лота складзе 64 917 рублёў (каля 20 тысяч даляраў).
Аўкцыён адбудзецца 24 ліпеня а 12:00.
Каментары