Мэр латвійскага горада Огрэ Эгілас Хелманіс атрымаў раненне падчас абстрэлу ва Украіне. Як паведамілі ў мясцовым самакіраванні Огрэ, здарэнне адбылося мінулай ноччу, калі Хелманіс знаходзіўся ў камандзіроўцы ва Украіне. Стан палітыка ацэньваецца як стабільны, паведамляе Delfi.lv.
З канца мінулага тыдня Хелманіс разам з аднадумцамі дастаўляў у прыфрантавую зону каля 20 аўтамабіляў з гуманітарнай дапамогай. Дакладная колькасць машын і месца прызначэння пакуль не раскрываюцца з меркаванняў бяспекі.
Хелманіс рэгулярна ездзіць ва Украіну з дапамогай для арміі і мірнага насельніцтва. Цяпер невядома, ці былі разам з ім іншыя супрацоўнікі гарадскога самакіравання.
Міністэрства замежных спраў Латвіі паведаміла, што кантактавала з мэрам. Ён не прасіў дапамогі, але пасольства гатова падтрымаць яго, калі спатрэбіцца. Хелманіс плануе вярнуцца дадому самастойна.
МЗС Латвіі нагадвае, што латвійцам не рэкамендуецца наведваць Украіну з-за высокай небяспекі, асабліва ў рэгіёнах, дзе ідуць актыўныя баявыя дзеянні. У такіх зонах немагчыма гарантаваць бяспеку або аказаць своечасовую дапамогу.
На вайне ва Украіне загінуў расійскі актывіст, які быў супраць вайны і заклікаў не ісці на яе
«Такога яшчэ не было». Адбылася масіраваная атака на Крывы Рог, Вінніцу, Харкаў
Трамп заявіў, што ракеты для Patriot ужо адпраўлены ва Украіну
Трамп заявіў, што Зяленскі не павінен наносіць удары па Маскве, а дальнабойных ракет Украіне ён не дасць
Каментары