У Беларусі паведамілі пра стварэнне комплексу для прагназавання атак дронаў
АЛС «Сканер» заяўляецца як распрацаваны беларускай кампаніяй ІннаТэх Солюшнс комплекс для выяўлення і прагназавання атак беспілотнікаў. Ён прызначаны для аховы аб’ектаў ад нізкалётных БПЛА, у тым ліку тых, што працуюць у рэжыме «радыёмаўчання», паведамляе прэс-служба Дзяржкамваенпрама.
Сістэма, як паведамляецца, працуе ў пасіўным рэжыме, выкарыстоўваючы акустычныя датчыкі, якія фіксуюць гук вінтоў або рухавікоў дрона. Атрыманая інфармацыя апрацоўваецца праграмным забеспячэннем, якое вызначае хуткасць, курс, становішча ў прасторы і прагназуе далейшы рух апарата.
Склад комплексу:
- датчыкі гуку (колькасць залежыць ад канфігурацыі аб’екта);
- пункт кіравання з серверам і планшэтам для візуалізацыі і кіравання;
- праграмнае забеспячэнне для апрацоўкі сігналаў і кіравання сістэмай;
- каналы сувязі паміж датчыкамі і пунктам кіравання;акумулятары для аўтаномнай працы;
- навігацыйнае абсталяванне для дакладнага пазіцыянавання.
Асаблівасцямі комплексу называюцца такія:
- працуе кругласутачна і ў складаных умовах надвор’я;
- не выдае сябе актыўным выпраменьваннем;
- падтрымлівае розныя фарматы картаў;
- бачыць дроны з рухавікамі ўнутранага згарання на адлегласці да 1 км;
- мае высокую дакладнасць вызначэння хуткасці і курсу;
- можа працаваць аўтаномна або ў складзе іншых сістэм бяспекі;
- перадае даныя па абароненых каналах (валаконна-аптычныя або радыё).
Заяўляецца, што «Сканер» з’яўляецца эфектыўным сродкам пасіўнага кантролю і прагназавання дзеянняў БПЛА, што дазваляе павысіць бяспеку стратэгічных аб’ектаў.
«Флагшток» склаў карту начных пралётаў дронаў над Гомельшчынай. Сітуацыя незвычайная
«З людзей узялі распіскі, каб усе маўчалі». Невядомы беспілотнік упаў у ноч на панядзелак у Рэчыцы
Некалькі расійскіх дронаў праляцелі вечарам над Гомельскай вобласцю
Лукашэнка будуе сакрэтны завод па вытворчасці дронаў у Мінску
Беспілотнік, які ўпаў у Мінску, прыляцеў з боку Барысава — шматлікія сведчанні
Некалькі сведкаў кажуць, што беспілотнікаў на Мінск ляцела два
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС23
Каментары