Пуцін: Пытанне ўкраінскіх тэрыторый павінна вырашацца на рэферэндуме
Пасля свайго выступлення на пленарнай сесіі Усходняга эканамічнага форуму на Далёкім Усходзе Уладзімір Пуцін ізноў загаварыў пра вайну ва Украіне, паведамляе Бі-бі-сі.
Ён ізноў заявіў, што не бачыць вялікага сэнсу ў прамых кантактах з Уладзімірам Зяленскім, але гатовы да іх. Найлепшым месцам для правядзення такой сустрэчы, на думку расійскага прэзідэнта, будзе Масква.
«Украіна хоча сустрэчу, я гатовы, прыязджайце, мы забяспечым умовы для працы і бяспеку. Атрымліваецца, што мы гатовыя, але вы прыязджайце», сказаў Пуцін.
«Я сказаў, што сэнсу вялікага не бачу. Чаму? Таму што дамовіцца з украінскім бокам практычна немагчыма па ключавых пытаннях», — таксама заявіў ён.
Яшчэ нядаўна Кіеў выключаў магчымасці прамых кантактаў з Масквой, заявіў Пуцін. Калі дамоўленасці па доўгатэрміновым міры ва Украіне будуць дасягнуты, Расія будзе выконваць іх у поўным аб’ёме, сказаў прэзідэнт Расіі.
«Ёсць цяжкасці, якія заключаюцца ў тым, што любыя дамоўленасці павінны быць пацверджаны на рэферэндуме. Для гэтага трэба адменіць ваенны стан. Цяпер ва Украіне вялікія карупцыйныя праблемы, у турме сядзіць старшыня канстытуцыйнага суда, які мог бы замацаваць вынікі рэферэндуму па адчужэнні тэрыторый».
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі2
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары
Відэа "Рэферэндум па Канстытуцыі ‒ механізм анэксіі Беларусі | Юры Беленькі"
І з сахалінам-курыламі таксама. Мірнай дамовы з Японіяй у РФ няма!