У Гомельскім абласным судзе асудзілі жыхарку вёскі Каменка Мазырскага раёна, шматдзетную маці Анастасію Раеўскую. Яе прызналі вінаватай у так званым «садзейнічанні экстрэмісцкай дзейнасці» паводле арт. 361-4 Крымінальнага кодэкса, піша «Гомельская вясна».
Дакладныя дэталі абвінавачвання і мера пакарання пакуль высвятляюцца. Вядома толькі, што жанчыну не адправілі ў турму — хутчэй за ўсё, ёй далі абмежаванне волі без накіравання ў калонію.
Паводле праваабаронцаў, пераслед можа быць звязаны з гучнай «справай Беларускага Гаюна» — маніторынгавага канала, які публікаваў інфармацыю пра перамяшчэнні расійскіх войскаў у Беларусі. Недалёка ад вёскі Каменка знаходзіцца аэрадром «Вялікі Бокаў», які перад пачаткам поўнамаштабнага ўварвання ва Украіну перайшоў у карыстанне расійскай арміі.
Анастасія Раеўская разам з мужам Яўгенам гадуе траіх дзяцей. У 2021 годзе ў сям’і нарадзіўся малодшы сын Арцём. У 2022 годзе пра сям’ю пісала дзяржаўная прэса, адзначаючы, што яны набылі дом у Каменцы дзякуючы праграме «сямейнага капіталу».
20-гадовага хлопца з Лепеля асудзілі, верагодна, па «справе Гаюна»
Флагшток: Па справе «Беларускага Гаюна» ў адной Гомельскай вобласці затрымалі больш за 250 чалавек
Пастара з Хойніцкага раёна асудзілі па «справе Гаюна»
Спецслужбы стварылі фэйкавы бот нібыта для эвакуацыі тых, хто дасылаў інфармацыю «Беларускаму Гаюну»
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары