Калі адкрыюць бізнэс-комплекс з рэстаранам і СПА ў завулку Соф'і Кавалеўскай
Даўгабуд у завулку Соф'і Кавалеўскай рыхтуецца да адкрыцця. Гаворка пра шматфункцыянальны комплекс GS PLAZA «Жамчужына», які узводзіць кітайскі інвестар.
Будаўніцтва распачалі яшчэ ў чэрвені 2016 года, завяршэнне будаўніцтва планавалі да 2020-га. Але тэрміны здачы ў эксплуатацыю пераносіліся ўжо некалькі разоў.
Сёння, па словах кіраўніка адміністрацыі Маскоўскага раёна Сяргея Рубанава, гатоўнасць аб'екта складае 99%.
— Думаю, у першай дэкадзе 2026 года гэты аб'ект пачне функцыянаваць. Там будзе рэстаранная зона, бізнэс-цэнтр, навучальныя цэнтры ўнутры ўстановы. Што да добраўпарадкавання, абяцанне інвестар стрымае: прывядзе ў парадак прылеглыя тэрыторыі, у тым ліку і ў стылістыцы Кітайскай Народнай Рэспублікі.
Згодна з інфармацыяй на сайце забудоўшчыка, у комплексе таксама прадугледжаны гасцініца і спа-зона.
— Скажу больш: найбліжэйшая тэрыторыя, якая мяжуе з вуліцамі Сямашкі і Чыгуначнай, два гады таму намі добраўпарадкоўвалася як паркавая зона. Там адбыўся конкурс лаваў, устаноўлены дзіцячыя, спартыўныя комплексы, абсталяваны пешаходныя сувязі. Жыхары дзякуюць і выкарыстоўваюць дадзеную зону па прызначэнні.
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары