Вярхоўны савет нацыянальнай бяспекі Ірана ўхваліў раней падпісаныя дамоўленасці аб аднаўленні супрацоўніцтва з Міжнародным агенцтвам па атамнай энергіі.
Дакумент быў падпісаны 9 верасня ў Каіры генеральным дырэктарам МАГАТЭ Рафаэлем Гросі і міністрам замежных спраў Ірана Абасам Аракчы пры пасрэдніцтве міністра замежных спраў Егіпта Бадра Абдэль-Аты, піша Deutsche Welle.
Як вынікае з тэксту заявы, выкананне дамоўленасцяў будзе залежаць ад забеспячэння бяспекі іранскіх ядзерных аб’ектаў.
Супрацоўніцтва паміж Тэгеранам і МАГАТЭ было прыпынена пасля 12-дзённай вайны ў чэрвені, калі Ізраіль і ЗША нанеслі ўдары па ядзерных аб’ектах Ірана ў Форда, Натанзе і Ісфахане. У адказ Ісламская Рэспубліка атакавала Ізраіль серыяй удараў ракетамі і дронамі. Інспектары МАГАТЭ былі высланы з краіны 2 ліпеня па ўказе прэзідэнта Ірана Масуда Пезешкіяна, які абвінаваціў прадстаўнікоў агенцтва ў бяздзейнасці падчас атак на ядзерныя аб’екты.
Раней Рафаэль Гросі настойваў на тым, каб Тэгеран дазволіў правесці міжнародную праверку на трох ядзерных аб’ектах, пашкоджаных падчас вайны ў чэрвені 2025 года, для ацэнкі шкоды і запасаў узбагачанага ўрану. Урад у Тэгеране неаднаразова адмаўляў інспектарам агенцтва ў такой праверцы.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу2
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары