Прэзідэнт Украіны Уладзімір Зяленскі паведаміў, што ў апошнія тыдні ўкраінская армія праводзіць паспяховую контрнаступальную аперацыю на Данецкім напрамку, піша «Украінская праўда».
Паводле слоў украінскага лідара, асноўныя баявыя дзеянні адбываюцца ў раёне Пакроўска і Добраполля. Уладзімір Зяленскі адзначыў, што баі цяжкія, але ўкраінскія войскі здолелі нанесці істотныя страты расійскім сілам.
Прэзідэнт Украіны падкрэсліў, што сілы абароны пазбаўляюць акупантаў магчымасці праводзіць поўнамаштабнае наступленне, якое яны доўга планавалі.
З пачатку контрнаступу ўкраінскія войскі, па словах Зяленскага, вызвалілі ўжо 160 км² тэрыторыі, сем населеных пунктаў, а яшчэ 170 км² і дзевяць населеных пунктаў «ачышчаныя ад акупантаў».
Таксама ён паведаміў, што Украіна значна папоўніла свой абменны фонд — у яго дадалася амаль сотня расійскіх ваеннапалонных, і колькасць іх яшчэ павялічыцца.
Страты расіян, як сцвярджае Зяленскі, толькі ў раёне Пакроўска за апошнія тыдні склалі больш за 2 500 чалавек, з якіх больш за 1 300 былі забітыя.
Зяленскі: Пуцін сказаў Трампу, што захопіць Данбас за тры-чатыры месяцы
Зяленскі ў Парыжы распавёў, чаму Украіна не можа пайсці на тэрытарыяльныя саступкі
Колькі ўкраінцаў згодны на перамовы на любых умовах, а колькі за тое, каб ваяваць, пакуль не выйдуць на мяжу 2022 года
Як у акупаваным Данецку выжываюць без вады?
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца13
Каментары