Nvidia дамовілася інвеставаць да $100 млрд у ChatGPT — кампаніі плануюць стварыць суперінтэлект
Вытворца відэакарт Nvidia дамовіўся аб стратэгічным партнёрстве і інвестыцыях на суму да $100 млрд з распрацоўшчыкам бота ChatGPT — кампаніяй OpenAI, гаворыцца ў заяве апошняй.
Пагадненне аб партнёрстве ў прэс-рэлізе называецца «эпахальным». Гаворка ідзе пра супрацоўніцтва ў стварэнні інфраструктуры для OpenAI, якая дазволіць запусціць мадэлі новага пакалення і стварыць «суперінтэлект».
«Гэта партнёрства дапаўняе глыбокую працу, якую OpenAI і Nvidia ўжо вядуць з шырокай сеткай партнёраў, уключаючы Microsoft, Oracle, SoftBank і Stargate, скіраваную на стварэнне самай перадавой у свеце інфраструктуры ШІ», — гаворыцца ў паведамленні.
Колькасць актыўных карыстальнікаў OpenAI перавысіла 700 млн на тыдзень.
«Гэта партнёрства дапаможа OpenAI у рэалізацыі яе місіі па стварэнні ўніверсальнага штучнага інтэлекту на карысць усяго чалавецтва», — гаворыцца ў паведамленні.
Каментары