Папярэдняга кіраўніка перавялі ў Мінск, Яўген Хітрык узначаліў СІЗА №1 у Калядзічах.
Начальнікам СІЗА №6 у Баранавічах стаў 48‑гадовы падпалкоўнік Анатоль Акудовіч. Раней ён быў намеснікам начальніка ўпраўлення Дэпартамента выканання пакаранняў па Брэсцкай вобласці, а яшчэ перад тым — намеснікам начальніка калоніі №11 у Ваўкавыску.
Адметна, што Акудовіч як стаў падпалкоўнікам 14 гадоў таму, так і завіс з гэтым званнем.
Яго бацька — таксама Анатоль Акудовіч — быў вайскоўцам, доўгі час працаваў ваенкамам Ваўкавыскага раёна.
У баранавіцкім СІЗА ўтрымліваюць мясцовых арыштаваных, а таксама тых, хто чакае апеляцыйнага судовага разгляду перад размеркаваннем у калонію №22 пад Івацэвічамі (Воўчыя Норы).
Пры баранавіцкім СІЗА ёсць і адзін з нямногіх у Беларусі арыштны дом — там адбываюць пакаранне тыя, каму прысудзілі арышт (пакаранне тэрмінам да 3 месяцаў).
Пасада начальніка СІЗА №6 стала вакантнай пасля таго, як ранейшага кіраўніка Яўгена Хітрыка прызначылі начальнікам СІЗА №1 у Калядзічах.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары