«Я не хачу праблем, у мяне ўсё добра, я люблю Беларусь». Студэнт з Конга, які скардзіўся Лукашэнку на цэны, пабываў у міліцыі
Студэнт з Конга Натан Телофат, які вучыцца ў Беларусі, паведаміў у новым відэа, што быў у міліцыі. Гэта адбылося пасля таго, як стаў вірусным яго ролік пра анамальнае падвышэнне цэнаў у Беларусі на кока-колу. Паводле слоў Натана, цяпер у яго «ўсё добра».
«Усім прывітанне! У мяне ўсё добра! Мне ніхто не пагражае! Я ў Беларусі», — напісаў на відэа хлопец.
Натан паведаміў, што быў у міліцыі.
«Мы паразмаўлялі, і яны сказалі, што я нічога дрэннага не зрабіў. Яны былі вельмі добрыя да мяне і паводзілі сябе пазітыўна. Зараз я ў Мінску, у сваёй кватэры, усё добра», — сказаў ён.
Ён папрасіў «не распаўсюджваць ілжывую інфармацыю» пра яго.
Почти неделю я испытываю огромное давление со стороны СМИ! Это был огромный стресс для меня и моих близких! Люди используют меня, чтобы донести свои политические идеи! И это разбивает мне сердце Пожалуйста, перестаньте говорить об этой истории.
«Я люблю Беларусь, і мне тут падабаецца, вось і ўсё.
Я сам гэта пісаў, я не хачу праблем. У мяне ўсё добра, я ў Беларусі», — паўтараў ён.
Паводле яго слоў у міліцыю яго выклікалі не праз кока-колу. «Гэта было іншае відэа», — сказаў ён, але не ўдакладніў, у чым рэч.
«Я ў Беларусі, я люблю гэтую краіну, і ўсё добра. Дакладна, на сто працэнтаў. Вы можаце таксама падпісацца, таму што, я думаю, я буду рабіць яшчэ відэа», — паабяцаў ён.
У канцы верасня Натан выклаў ролік, дзе выказаў здзіўленне тым, што двухлітровая бутэлька кока-колы каштуе 5,21 рубля, хаця яшчэ ў 2021 годзе была каля 2 рублёў. Натан звяртаўся да беларускіх міністраў і Лукашэнкі і прасіў дапамагчы. Відэа стала вірусным.
Людзі масава падтрымалі студэнта-афрыканца.
Праз некалькі дзён ён запісаў відэа з выбачэннямі, адзначыўшы, што не меў намеру закранаць палітычныя тэмы. Потым з’явіўся ролік ужо з відавочнай трывогай: Натан паведаміў, што яму тэлефанавалі з міліцыі і ён «не ведае, што рабіць»: «У мяне цяпер праблемы ў Беларусі, і гэта зусім не жарт. Калі мяне не будзе ў інтэрнэце праз два-тры-чатыры дні, калі ласка: Black Lives Matter».
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары
Тэрарыстычны рэжым дадаў у культурную спадчыну чалавецтва "сведчанне беларуса".
Трэба сказаць, што ўсё добра, пагроз няма, пахваліць міліцыю. Дзверы ў кадры - дадатковы элемент жанру.