ШІ-стартап з беларускімі каранямі Perplexity укараняе новую функцыю. Ён запусціў ШІ-трэнера для вывучэння замежных моў. Пра гэта стартап паведаміў на сваёй старонцы ў сацыяльнай сетцы X. Пасля гэтага акцыі Duolingo ўпалі амаль на 4,5%, піша Office Life.
Функцыя працуе так: ШІ-памочнік стварае інтэрактыўныя карткі, пасля чаго можна паслухаць, як гучаць, напрыклад, новыя словы і выразы. Акрамя гэтага, Perplexity навучылі ствараць тэсты для праверкі ведання замежных моў, а таксама тлумачыць тэсты па граматыцы.
Кампанія не ўдакладняе, колькі моў можна вывучаць з дапамогай ШІ-памочніка.
Пасля анонса новай функцыі ад Perplexity, 16 кастрычніка, акцыі аднаго з самых папулярных дадаткаў для вывучэння моў Duolingo ўпалі з больш чым $330 да $316. Аднак да ранку суботы іх кошт скарэкціраваўся да $324.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары