У Літве каля мяжы з Беларуссю завяршыліся міжнародныя вучэнні НАТА Geležinis Vilkas 2025‑II («Жалезны воўк 2025-II»). Яны праходзілі з 6 па 18 кастрычніка на палігоне ў Падброддзі, прыкладна за 15 кіламетраў ад беларускай мяжы.
У манеўрах удзельнічалі больш за тры тысячы вайскоўцаў з Літвы і іншых краін НАТА — Бельгіі, Чэхіі, Люксембурга, Нідэрландаў, Нарвегіі, Харватыі і Германіі. Было задзейнічана каля 650 адзінак вайсковай тэхнікі, у тым ліку гаўбіцы, баявыя машыны пяхоты, супрацьтанкавыя і ракетныя комплексы, а таксама беспілотнікі.
Падчас вучэнняў вайскоўцы адпрацоўвалі наступальныя і абарончыя дзеянні, а фінальны этап уключаў баявыя стрэльбы з выкарыстаннем рэальных боепрыпасаў ва ўмовах, набліжаных да баявых.
Раней паведамлялася, што ў Літве з верасня па кастрычнік праходзяць яшчэ адны буйныя вучэнні — Perkūno Griausmas 2025 («Гром Пяркунаса 2025»), у якіх удзельнічае каля 17 тысяч вайскоўцаў па ўсёй краіне.
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч3
Каментары