У маладзёжным мікрараёне Гродна здалі дарогу пасля рэканструкцыі
У Гродне адкрылася абноўленая дарога ў мікрараёне Альшанка — участак аўтатрасы Гродна — Старадубавая — Адэльск. Рэканструкцыя праводзілася ў межах генплана развіцця горада і стане часткай вялікага аб’язнога кольца вакол Гродна, паведамляе БелТА.
Новая магістраль павінна палепшыць злучэнне паміж паўднёвымі жылымі кварталамі і прамысловымі зонамі на поўначы, а таксама разгрузіць цэнтр горада ад транзітнага транспарту.
Адкрыццё дарогі адбылося напярэдадні 7 лістапада. Удзел у ім узялі старшыня аблвыканкама Юрый Караеў, кіраўнік гарвыканкама Андрэй Хмель і прадстаўнікі будаўнічых арганізацый. На новай кольцавай развязцы правялі невялікае дрыфт-шоў і тэст-драйв на аўтамабілях Geely.
Паводле слоў Юрыя Караева, дарогу здалі значна хутчэй за запланаваны тэрмін — за шэсць месяцаў замест паўтара года. Пры гэтым чыноўнік сцвярджае, што работы нібыта выкананыя якасна і абышліся без лішніх выдаткаў.
Новая дарога мае асаблівасці: хоць гэта гарадская вуліца, пешаходнага руху тут не будзе, таму на ёй адмовіліся ад паўнавартасных тратуараў. Затое ўстаноўленыя сучасныя святлафоры, тактыльныя пліткі для людзей са слабым зрокам і энергаэфектыўнае асвятленне.
Дарога даўжынёй 3,3 кіламетра мае дзве раздзельныя паласы па 7,5 метра кожная, шырокую раздзяляльную паласу і сучаснае пакрыццё з асфальтабетону, разлічанае на вялікія нагрузкі. Таксама абсталяваныя дзве кальцавыя развязкі і зручныя аўтобусныя прыпынкі.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»32
Каментары